ಲಿಂಗಸುಗೂರು : ಅಲೆಮಾರಿ ಕುಟುಂಬಗಳಿಗೆ ಫುಡ್ಕಿಟ್ ವಿತರಣೆ
ಲಿಂಗಸುಗೂರು : ಲಾಕ್ಡೌನ್ ತಂದಿಟ್ಟಿರುವ ಸಮಸ್ಯೆಯಿಂದ ಹಲವು ಬಡ ಕುಟುಂಬಗಳು ಜೀವನ ನಿರ್ವಹಣೆಗೆ ಪರದಾಡುತ್ತಿವೆ. ಸ್ಥಳೀಯ ಅಲೆಮಾರಿ ಸಮುದಾಯದ ಹತ್ತಾರು ಕುಟುಂಬಗಳೂ ಇದಕ್ಕೆ ಹೊರತಾಗಿಲ್ಲ. ಅಲೆಮಾರಿಗಳ ವೇದನೆ ಅರಿತ ಬಿಜೆಪಿ ಮಹಿಳಾ ಮೋರ್ಚಾ ಅದ್ಯಕ್ಷೆ ಜಯಶ್ರೀ ಸಕ್ರಿಯವರ ನೇತೃತ್ವದಲ್ಲಿ ಮಹಿಳಾ ಕಾರ್ಯಕರ್ತರು ಅಲೆಮಾರಿ ಜನರಿರುವ ಪ್ರದೇಶಕ್ಕೆ ತೆರಳಿ ಫುಡ್ಕಿಟ್ಗಳನ್ನು ವಿತರಣೆ ಮಾಡಿದರು.
ಸತತ ಲಾಕ್ಡೌನ್ನಿಂದಾಗಿ ದುಡಿಮೆ ಇಲ್ಲದೇ ಜೀವನ ಸಾಗಿಸಲು ಬಡವರು, ಕೂಲಿಕಾರ್ಮಿಕರು ಪರದಾಡುತ್ತಲೇ ಇದ್ದಾರೆ.
ಅಲೆಮಾರಿ ಸಮುದಾಯದ ಕುಟುಂಬಗಳೂ ಸಂಕಷ್ಟದ ಜೀವನ ಕಳೆಯುತ್ತಿದ್ದಾರೆ. ನಮ್ಮ ಕೈಲಾದ ಮಟ್ಟಿಗೆ ಸಹಾಯ ಮಾಡುವ ತೀರ್ಮಾನ ಕೈಗೊಂಡು ಕಾರ್ಯಕರ್ತರೊಂದಿಗೆ ಫುಡ್ಕಿಟ್ ನೀಡುವ ಮೂಲಕ ನಮ್ಮ ಅಳಿಲು ಸೇವೆಯನ್ನು ಮಾಡುತ್ತಿದ್ದೇವೆಂದು ಅದ್ಯಕ್ಷೆ ಜಯಶ್ರೀ ಸಕ್ರಿ ಹೇಳಿದರು.
ಸತತ ಎರಡನೇ ಬಾರಿಗೆ ದೇಶದ ಪ್ರಧಾನಿಯಾಗಿ ಅಧಿಕಾರ ನಡೆಸುತ್ತಿರುವ ನರೇಂದ್ರ ಮೋದಿಯವರು ಎರಡನೇ ಸಲ ಅಧಿಕಾರಕ್ಕೇರಿ ಎರಡು ವರ್ಷಗಳು ಪೂರ್ತಿಸಿರುವ ಈ ಸುಸಂದರ್ಭದಲ್ಲಿ ಎಲ್ಲರೂ ಸಂತೋಷದಿಂದ ಇರಬೇಕೆನ್ನುವ ಇಚ್ಛೆಯಿಂದ ಕಿಟ್ಗಳನ್ನು ವಿತರಣೆ ಮಾಡಲಾಗುತ್ತಿದೆ. ಬರುವ ದಿನಗಳಲ್ಲಿ ಪಕ್ಷದ ಹಿರಿಯರ ಸೂಚನೆಯಂತೆ ಇನ್ನಷ್ಟು ಜನಸೇವೆಗೆ ಮಹಿಳಾ ಮೋರ್ಚಾ ಸಿದ್ಧವಾಗಿರುತ್ತದೆಂದು ಜಯಶ್ರೀ ಮಾತನಾಡಿದರು.
ಮಹಿಳಾ ಮೋರ್ಚಾದ ಮುಖಂಡರಾದ ಶೋಭಾ ಕಾಟವಾ, ಶ್ವೇತಾ ಲಾಲಗುಂದಿ, ಸುಮಾ ಪಾಟೀಲ್, ಜ್ಯೋತಿ ಸುಂಕದ್, ನೀಲಮ್ಮ ಪಾಟೀಲ್, ಸ್ಮೀತಾ, ಖಾಜಾಬಿ ಸೇರಿ ಇತರರು ಈ ಸಂದರ್ಭದಲ್ಲಿ ಇದ್ದರು.
